完騷後冇聯絡！關智斌呻對住Steven感辛苦

BOYZ成員藝人關智斌（Kenny）與張致恆（Steven）到西九龍出席英皇電影《潛艦滅殺令》首映禮，Steven指早前曾拍過以海上救援為題的內地劇，為此要到基地受訓一個月， 包括從直昇機垂吊等訓練，恐怖又辛苦。

打算抖吓先

早前二人合作再開騷時表示有意殺入紅館，問到進展情況？Kenny笑言要追問在場的老闆楊受成：「之前開騷只係一個慶祝BOYZ十周年嘅project，冇諗到咁好反應，要多謝大家愛戴，但係要抖抖先，長期對住Steven都幾辛苦。其實完騷後同Steven已經冇乜聯絡！」Steven聞言指收到Kenny電話，問他如何處理皮蛋，他笑言：「自從我哋重組，我工作都多，真係幫佢唔到。」

感激張敬軒

Kenny指演唱會後得知有粉絲在網上買票時被呃錢，當晚只能在九展門口聽歌，便請公司同事聯絡苦主們望能提供協助。提到可以再開一場滿足粉絲？他表示當時已沒有場地。提到張敬軒（軒仔）受訪時表示若BOYZ在紅館開騷一定會幫手，Kenny直言若轉到較大的場地，沒有軒仔不會成事。提到軒仔指Kenny是很重要的人，他表示大家已是多年的老友，而Steven更笑指軒仔也有跟他說相同的話：「Kenny之外我最感激就係軒仔，有幾晚同軒仔傾電話，我個性好自卑，佢就不停鼓勵我。」Kenny笑指Steven是想問軒仔其餐廳有否請人，想自薦做廚師，Steven即反擊說：「或者可以做侍應，收銀都得！」