【晒珠寶鑑證Cert】姚書軼宣布畢業！

名模姚書軼轉營做珠寶生意，之前佢積極裝備自己，走咗去讀珠寶鑑證，依家終於學有所成！日前，佢喺社交網站上載咗攞畢業證書嘅相，仲開心話：「一開始接觸珠寶工作，日子耐咗就變成興趣，前年開始仲走咗報名學珠寶鑑證，今日我拿到畢業證書啦。」佢從此就多咗一個身份，就係專業珠寶鑑證師，認真威水，難怪要攞出嚟晒吓！