冧景責傷看更 肥仔聰為慳皮一人分飾4角
20181026
東網電視
更多新聞短片
呢個組合好似齋睇都好煞食。
藝人林子聰（肥仔聰）執導電影《冒牌搭檔》將於十一月廿三日在內地公映，今次演員全部是兄弟班，包括：陳國坤（小龍）、金剛、田啟文、李健仁、林雪等，肥仔聰表示：「非常難得大家可以聚舊兼拍戲，仲有陳浩民同細龜（黃一山）等都係義氣當前嚟幫手，總之好耐未試過拍戲咁開心！」
一班老友齊齊開工，當然個個都交足功課，他謂：「小龍為咗今次套戲，專登去練拳練左好耐，所以操到身形非常之Fit，呢啲就叫做專業同埋勁！」
今次拍攝新戲最特別之處，肥仔聰笑言是破天荒做男主角：「壓力相當之大，仲要一人分飾兩角，又係一個極大嘅挑戰，連埋編劇、導演總共一人要分飾4個角色，但為咗慳錢，都要硬住頭皮頂上！」他還直言拍攝過程中，有很多突如其來的變數，大考他的臨場應變：「好似曾經試過因為太大雨，令到場景倒塌，要即刻改劇本換場景，又試過水浸啲車行唔到，大家要涉水行去拍攝現場，（場景倒塌時，演員在場嗎？）因為係開鏡前一日，所以未有演員，不過，守住個景嘅管理員就受咗傷，都住咗好耐醫院，好彩最後都無事。」
----------------------------
東網巨星開咗ig喇，大家快啲follow啦！