恐怖過喪屍！Julio玩鬼屋被梁嘉琪狂抓
20181026
東網電視
更多新聞短片
又要驚又要玩呀！
藝人梁嘉琪與組合Soler成員Julio趁萬聖節玩喪屍遊戲，平時在節目《學是學非》玩得大癲大肺的嘉琪，估不到極速被橫衝直撞的喪屍KO，?嘩鬼叫，要拿Julio做擋箭牌。
自己嚇自己
又怕又貪玩的嘉琪驚魂稍定後說：「最驚係唔知啲喪屍幾時衝出嚟，頭先仲畀塊鏡嚇親自己，心諗呢個人咁恐怖嘅，我頭先喺咁抓住Julio。」Julio笑說：「我見你咁誇張，最初仲以為你扮嘢，後來發覺真係驚，就幫你擋住。」嘉琪心心眼笑說：「佢頭先好英雄呀！」
嘉琪自爆曾有男仔約玩鬼屋，但她的「魔爪」實在太浮誇，男伴也被她嚇跑，她笑說：「玩完佢都怕咗我，咩事呀呢個女仔，之後就冇再約我，我都留下陰影。相信Julio應該感受到，因為我會抓到身邊個人隻手有痕。」Julio笑謂：「真係要着番件皮褸保護吓。」嘉琪笑謂鬼屋是測試男士誠意的好地方：「如果同我一齊玩，見完我咁嘅瘋癲樣，抓到佢咁仲係鍾意我，呢個男仔一定係真愛。」
Julio做畫家
此外，Julio指稍後Soler將會在香港、廣州參與大型音樂騷，唱他們最喜歡的廣東歌，他個人則向藝術發展，近日由早到晚也畫畫，又到學校教學生。嘉琪剛拍完王祖藍執導的賀歲片，稍後會到馬來西亞拍攝《學是學非》外景，應邀到日本參觀護膚品公司，還會帶殘障小朋友到台灣旅行。
場地：喪屍圍城．香港站
----------------------------
東網巨星開咗ig喇，大家快啲follow啦！