BTS與Steve Aoki三度合作　首推全英文歌曲

韓國人氣男團防彈少年團（BTS）近年揚威海外，多次現身美國大型音樂頒獎禮，連月更去埋歐洲宣傳，雖然成隊人已經返韓，但近日再為海外粉絲送上驚喜，就係發布與美國電音紅人Steve Aoki第三度合作嘅新歌《Waste It On Me》，歌曲仲係BTS第一首全英文嘅歌曲，相信歐美粉絲一定冧到爆！

Steve與BTS曾合作推出歌曲《MIC Drop》及《The Truth Untold》，BTS成員今次於《Waste It On Me》唱英文之外，亦有加入拿手嘅饒舌部分！Aoki表示：「我好興奮分享今次同近幾年見過最令人興奮同鼓舞人心嘅團隊合作！」而BTS亦形容雙方的合作好有意義：「首歌真係好正，我哋相當享受製作過程，係我哋第一首全英文嘅歌，錄歌感覺好新鮮同有趣，我哋希望（新歌）會係送畀粉絲嘅一份好好嘅禮物！」Steve於社交網Twitter發布新歌，12小時已吸引30萬粉絲派Like！