期待與鄭嘉穎登台 黎瑞恩開感恩旅行社

20181026
東網電視
更多新聞短片
黎瑞恩與鄭嘉穎將於12月8日在雲頂開騷。
歌手黎瑞恩(小恩子)下午到電台接受訪問。剛與父母由絲路旅行返港的她直言此行難忘又盡興:「二十幾年前我去過烏魯木齊,估唔到今次再去變化會咁大,同以前真係極度唔同。本來我哋三個帶咗七篋行李,我準備埋啲一次性床單同毛巾,點知三百幾蚊晚嘅酒店已經靚到好犀利,啲嘢完全冇用過寄晒返嚟。我返到屋企行李已經先到,工人姐姐仲洗晒啲污糟衫喇!」
明年帶隊遊西安
小恩子表示此行每天「自然醒」,自駕遊相當輕鬆,連朋友都羨慕不已:「同一時間有朋友跟團去旅行,佢哋話趕鴨仔咁,見到我啲相就好鍾意,依家計畫緊我明年帶團去西安,已經好多人報名,至少會有十五人一齊去,我會帶大家去睇一條好危險嘅村莊,喺山崖邊嘅,可以成立『感恩旅行社』!」
談到自己製作公司成立一周年,她說:「最開心係無端端有自己嘅公司,啲同事又相處愉快。我哋工作好佛系,夠出糧,人人有工做已經好OK喇。」
談到12月初她將與鄭嘉穎到馬來西亞登台:「有十幾年冇合作過,其實我同佢兩、三年前見過面,都幾期待嘅。(合唱?)會!依家揀緊歌,但《長流不息》一定會唱,當年係佢當MV男主角。」
----------------------------
東網巨星開咗ig喇,大家快啲follow啦!