黃建東借驚抽水 歐詠怡鄙視鹹濕鬼
20181026
東網電視
更多新聞短片
突襲喪屍館！黃建東、歐詠怡搶先搞鬼！
藝人黃建東諗頭多多，最近就與歐詠怡（WingWing）、郭奕芯（Ashina）及高大型男謝高晉勇闖喪屍館，為網上平台「巧鬆啲」拍片，演繹玩喪屍館時最難頂的五種人，包括暴力型、貪靚型、驚青型、鹹濕型及冇癮型，東東一人分飾幾種人格晒演技，笑爆網友！
腹肌引死女遊客
東東原來是驚青型，甫見喪屍即嚇到跪低嗌媽咪，又做反面教材打喪屍演員，終於被人痛斥，又扮鹹濕仔，趁亂向靚女抽水。最誇張是貪靚型，東東及WingWing 每次被喪屍嚇親後都擔心整亂髮型，演勻眾生相！最搞笑是東東扮演冇癮型，見到喪屍冷漠應對，每一Take都爆肚說出不同字眼，搞到喪屍演員?晒頭，更令現場驚得嚟充滿歡樂氣氛。
東東表示有份度橋，很開心跟導演安男及其他演員Crossover：「我自己係驚青型，比較信鬼神，平時睇鬼片都嗌晒！」又指勾起他2012年未選港男時在主題公園當萬聖節演員，當時Fit爆的他吸引女遊客喪摸其腹肌：「當時搵番青春，工作完都一齊食消夜，但食食吓就冇咗腹肌。」
Ashina討厭暴力
WingWing自認又要驚又要玩：「我不停尖叫，可能班喪屍畀我把聲嚇番轉頭！我本身好鍾意睇驚慄片，算係喪屍戲迷！」又指最討厭跟鹹濕仔一齊玩，試過有男友人借驚抽水，心入面將他大扣分！
Ashina則會刻意扮鎮定，因怕大叫驚樣會嚇親友人：「最討厭係啲人暴力打喪屍，又會講說話鬧啲喪屍演員，咁樣好乞人憎。」
----------------------------
東網巨星開咗ig喇，大家快啲follow啦！