心病？周冬雨馬思純打邊爐各自為政

內地女星周冬雨與馬思純合作電影《七月與安生》，齊齊拎金馬最佳女主角獎，二人更成為咗好朋友。佢哋呢日相約一齊打邊爐，美食當前，馬思純竟然埋頭苦幹咁睇劇本，非常認真；反觀周冬雨就低頭喪食，完全冇理到隔籬嘅馬思純，兩個簡直各自為政。

周冬雨戴上帽遮住咗半個樣，仲舉起V字手勢，仲留言話：「姐姐掙（賺）錢太辛苦 我多吃點！」唔少網民都留言話好羨慕二人嘅姊妹情，更有網民大呼好想佢哋兩個再度合作拍電影。