人都癲！杜汶澤扮小丸子撐何韻詩

歌手何韻詩（阿詩）嚟緊12月就會舉行音樂會，呢排佢都忙於宣傳活動。然而佢同杜汶澤向來老友鬼鬼，呢日阿詩就喺社交網上載一張同阿澤合照，見到阿澤喺度扮小丸子，擺出一個賣萌甫士，認真攞膽！難怪阿詩都話：「見到隔離（籬）呢條友咁嘅樣，真係好想一嘢中（樁）死佢。但見隔離（籬）條友為咗幫自己演唱會宣傳咁嘅樣都肯，又好想錫死佢！」網友話阿澤扮得維肖維妙，仲叫阿詩應該扮成花輪同學，兩個更合襯。