陸永囡囡默書攞高分　阿媽竟然好激心

所謂「求學不是求分數」，最緊要小朋友曾經有努力過。好似藝人陸永太太Reina呢日甫咗囡囡陸一穎（Hannah）玩玩具嘅相，就話佢開學到依家默書都有好成績：「英文各默咗三次書，有兩次九十幾分，其餘都一百分，佢對分數冇咩太大感覺，不過佢話明明識都唔小心寫錯，好激氣！」Reina仲話下星期Hannah就要考試，但係佢一啲壓力都冇：「依家佢都唔知咩叫『考試』，完全冇壓力，唔執（着）著分數，唔代表冇要求，重要係學習過程認真，唔係結果出嚟嘅分數幾高。 #goodluck」好多網民都大讚Hannah好乖，唔使父母擔心，真叻女!