咩玩法？梁浸浸表演高難度「炒車」

藝人鄭希怡（Yumiko）同老公梁學儲婚後育有一女「梁浸浸」，先前母女二人參與內地真人騷《不可思議的媽媽》，節目中梁浸浸表現精靈可愛，喺網上大受歡迎。呢日Yumiko喺社交網上載囡囡喺屋企踩單車嘅短片，片中梁浸浸着上灰色背心裙，踩住單車直衝撞向軟墊，搞到自己成個人仆低咗，仆低之後佢仲笑到見牙唔見眼，認真百厭！

Yumiko無奈留言話：「可以好好踩單車嗎⋯ 是要成為一個特技人嗎？」佢仲大爆全部軟墊都係梁浸浸自己擺好嘅，話依家啲小朋友原來鍾意咁玩法，搞笑指自己已經out喇！好友蔡卓妍（阿Sa）亦都回覆話：「佢真係越（愈）危險 越（愈）高難度 佢就越（愈）鍾意」，而容祖兒就留言笑指梁浸浸想成為第二個錢嘉樂。