街坊福利會謀福利!胡定欣袁偉豪新招開會

20181027
東網電視
更多新聞短片
唔知傾咗啲咩呢?!
藝人胡定欣、袁偉豪、陳山聰同胡蓓蔚係跑友兼街坊,平時就會約出嚟跑步組「Crazy Runner」,久唔久仲會做埋「街坊福利會」,call齊住附近嘅藝人齊齊gathering,個個有心有力,close到好似家人一樣!今次佢哋呢個「將軍澳社區福利會」又再為大家謀福利,不過忙到爆炸嘅佢哋,連見面開會嘅機會都冇,竟然要靠視像會議解決。
佢哋幾個就喺社交會甫相,見佢哋四個喺視像會議中笑晒口,精神十足,定欣仲大爆佢哋好「有緣」,四個人同一日同時間喺唔同地方等飛機,所以先促成呢個「早會」,雖然未知佢哋開會傾咗啲咩新福利,不過見到佢哋連等上機都要「聚頭」,就知佢哋幾有心,仲開心到Cap埋相同網友開心share,真係隔住個mon都感受到佢哋嘅熱情呀!