好大潛能！周家蔚細仔最似媽媽邊一點？

藝人周家蔚（Janet）帶同兩名兒子現身萬聖節活動，她透露早前帶兩個仔做皮紋測試，結果發現細仔的潛能可以很大：「細佬嘅潛能可以係0至30，要睇點栽培。其實我細個都係，好鍾意音樂，乜都學，學過唱歌、結他、打鼓、色士風等等，不過媽咪成日返工，又唔識呢啲嘢，所以冇迫我，我開唔到竅，開到竅就會好勁。我都希望喺音樂上栽培細仔，畀佢學彈鋼琴，因為可以鍛練視力、聽力、手指活動能力及記憶力。至於大仔就似爸爸，鍾意打拳同踢波，細佬似我，連執着嘅性格都似我，有時太執着需要改吓，但好聽啲就係堅持囉！」不過Janet認為每個小朋友的天性都不同，家長要視乎子女的才能而因材施教，不能過分催谷。