施伯雄冇影？吳千語25歲生日狂食蛋糕

藝人吳千語今日25歲生日，一向朋友多多嘅佢已獲一班好友同佢慶生，千語仲喺社交網分享多張相片，相中見到佢成個生日收到起碼5個蛋糕，個個都非常精緻，又有朱古力蛋糕、又有旋轉木馬造型蛋糕，真係夠晒心思。雖然相中見唔到緋聞男友施伯雄（Brian），不過有咁多好友都咁錫自己，難怪千語都笑得好開心！好友蔡卓妍亦有留言祝福，千語則回覆：「Xiexie my dearest jiejie（謝謝，我親愛的姐姐。）」另一位好友馬天佑則隔空唱生日歌畀千語，果然夠老友。

另外，近日千語都不時喺微博讚好有關愛情嘅文章，當中講到「遇見一個人，了解一個人，喜歡一個人，習慣一個人，需要很多很多個日日夜夜。但離開一個人，錯過一個人，只需要一秒，就夠了。我錯過你了，你也錯過最好的我了。」似乎千語睇完都有啲體會喎！