同男粉絲緊扣對望　Gary走落台冧港迷

韓國綜藝節目《Running Man》的40歲前主持Gary，去年4月宣布與圈外女友結婚及同年11月宣布榮升父親。

他下午現身鑽石山的商場出席「韓冬戀雪旅遊節」的開幕典禮，是他升呢父親後首度會港迷，吸引大批粉絲捧場。大會先邀請來自韓國的人氣塗鴉秀「HERO」表演暖場。

Gary約於下午2時20分現身，親民向粉絲揮手，並與韓國觀光公社的相關人士一起主持旅遊節的開幕禮。Gary獻唱一曲後，大晒廣東話打招呼：「大家好，我係姜Gary,多謝，我愛你！」

Gary分享近況時透露與老婆同BB過得很幸福，又用普通話說：「正照顧BB」，並準備冬天推出新碟，希望再來港開騷。Gary談及昨晚去了旺角，見到好多粉絲熱情歡迎他，令他很感動。他又指韓國冬天很凍，他最愛冬天食番薯，他表示知道香港沒有落雪，故推介港迷如果同戀人去韓國遇上初雪，求婚便會百分百成功，又推介同家人去韓國旅行時，可以去主題樂園或去江原道體驗冰上釣魚。

Gary其後同粉絲玩了多個遊戲，其中一個遊戲係「韓音譯廣東話」，Gary讀出韓文拼音「我空虛，我寂寞，我凍！」令粉絲聽得一頭霧水，但粉絲估中後，Gary即不停重覆，十分搞笑，他又額外自備了一句廣東話「香港蛋撻好好味」之後Gary分別與勝出的粉絲合照同十指緊扣，又加送抱抱，大派福利。Gary要同玩遊戲勝出的男粉絲十指緊扣對望5秒，Gary即指對方眼神好可怕，之後二人拖手對望，Gary笑指對方的眼神令人難以忘記。他完場前特地走到台邊幫粉絲簽名，唱歌時又走落台同粉絲握手同合唱，大嗌：「多謝香港」十分親民，期間音響問題一度冇聲，他仍繼續清唱，又笑說如果大家去韓國旅行撞見他，他會請大家飲咖啡，完場前又跟現場粉絲大合照，有粉絲即趁機與偶像自拍。