晒白滑玉背！傅嘉莉開實體店賣頭箍

藝人傅嘉莉（Kelly）以設計師身份到長沙灣出席活動，戴上自家手製頭箍配襯斜肩露腰兼露背的黑色連身褲，大騷白滑肉背甚有睇頭，吸睛度爆燈！她表示會親自示範製作頭箍，更興奮透露將開設限定實體店：「本身都有喺網上賣，依家有呢個機會都好開心，需要多啲腳骨力多啲巡舖。」

講到Kelly於《TVB馬來西亞星光薈萃頒獎禮》，憑《特技人》首次被提名「最佳女主角」，問到可會出發前往星馬拉票？她表示不會，自己會集中於網上拉票，又笑言或許可成功「跑出」：「有0.001%爆冷機會，其實有得提名已經好開心。」

對於公司取消於馬拉西亞及新加坡舉行頒獎典禮，Kelly表示自己對事情還未了解：「不過都會尊重公司決定。（咁咪少咗機會飛過去見Fans？）依家上網都方便嘅，一切都等公司安排。」又預告11月尾會開拍新劇，會飾演權貴大家族的女兒：「呢個角色係冷靜、內斂、Cool啲嘅，係監製發掘到我呢一面，自己之前都未試過做。」