粉絲福利！周柏豪Man爆半裸騷肌

藝人周柏豪最近忙於舉行巡迴演唱會，先前佢表明喺演唱會騷肌係指定動作，為咗要保持最佳體形，所以一直做運動操肌，仲要努力戒口。呢日佢喺社交網大派福利，上載咗多張半祼騷肌相，相中見柏豪戴上cap帽喺健身室舉啞鈴，練到一排排朱古力腹肌，簡直弗到爆！佢留言表示為咗演唱會，靠意志力作最後衝刺：「巡迴演唱會正式進入倒數階段 但仍不鬆懈 仍然要把最強的意志帶到舞台上 這一年 工作佔據了我所有的時間 但我相信 現在這階段是十分重要 也是真真正正的開始 繼續堅持 繼續沉靜 繼續努力」貼文一出，隨即吸引唔少粉絲留言，大讚柏豪身材超級好。