歌手唔易撈!陳奕迅High爆獻唱攰到彎腰

20181027
東網電視
更多新聞短片
Eason盡力獻唱,唱完仲攰到彎腰掂地!
歌手陳奕迅(Eason)與The Duo Band今晚開騷,唱至《瘋狂的朋友》時,The Duo Band成員吹口琴,Eason亦興起晒口技、吹埋一份!他與The Duo Band成員岑寧兒(Yoyo)坐着合唱《Run》,又在Yoyo等和音下獨唱Yoyo原唱的《盡力呼吸》。唱到快歌《和平酒店》時,Eason High爆與和音瘋狂打拍子,唱完他攰到彎腰掂地,帶領粉絲再打一段拍子後笑言:「唔易撈!講笑,其實好好玩,硃砂掌咪硃砂掌囉!」其後他自爆有睇相,卻被指似猿人,並掀起額前頭髮說:「又斜又彎,即係好!流汗仲好,直接由髮線好似瀑布咁流落嚟,搞到啲人成日以為我喊!」
Eason問粉絲是否肚餓,自言早了吃飯,又問音響是否OK,前排、後排甚至場外超過500名觀眾都興奮地揮手回應。Eason笑言:「我冇問Leon(黎明),真係好正!佢係先鋒!佢個場好似係真草地,你哋呢?不過假嘅好啲,真嘅落雨就濕晒,假嘅去水好啲。」這時有粉絲尖叫,他就叫對方要有惻隱之心,要顧及旁人的耳膜。之後他突然表示想吃軟雪糕,指之前病了未能吃,要明天再來吃!