姜皓文孖老婆檳城甜蜜慶生：過嚟搞新屋裝修

昨日是藝人姜皓文（黑仔）正日生日，而他太太殷寧的生日及二人的結婚紀念日同樣於10月底，早前兩人就到了馬來西亞檳城慶祝，更一口氣切了10個蛋糕。去年生日，兩人與數十名好友浩浩蕩蕩到檳城度假，今年黑仔與太太同樣選擇到檳城，皆因黑仔早前在檳城購入了5,000呎大屋，今次之行主要為新屋搞裝修。他表示：「新屋仲裝修緊，今次主要嚟搞裝修，順便慶生，我哋打算喺2020年農曆新年入伙，已約定朋友到時上嚟house warming。」

一向錫老婆的黑仔，怎少得為老婆準備生日驚喜？他表示：「最近太太喜歡收藏古董首飾，即係阿嫲、太婆年代嘅首飾，因為檳城有好多好靚嘅古玩，所以我喺度買咗套50至60年代的鑽石紅寶石畀佢！」本來兩公婆打算低調慶生，不過一眾好友得悉他們到訪檳城，都不約而同到來為他們賀生日。黑仔透露：「今次喺檳城同唔同朋友去咗好多地方，有新加坡飛過嚟嘅朋友、檳城朋友、仲有張啟樂同Kawaii等等香港朋友特登係飛過嚟，所以分別去咗好多餐廳食大餐。」

經過連環慶祝過後，黑仔於27日就立即啟程到日本東京出席《第31屆東京國際電影節》，其主演的電影《翠絲》獲邀成為「亞洲未來單元」競賽電影，有機會角逐當中的各個獎項。