【婚前攞晒分】林師傑為女友伯母解心結

藝人王馨平、黃寶欣、蔣志光及林師傑等，錄影節目《流行經典50年》。即將於11月22日與女友歐陽巧瑩舉行婚禮的林師傑，表示將會開工至婚禮前一天：「婚禮準備得七七八八，多謝一班兄弟姐妹，真係好幫到手。（之後會即刻度蜜月？）唔去住，因為我要開新劇，扮演李思捷嘅年青時代，係一個紅極一時嘅歌手，不過份人又寸又對粉絲差，都係挑戰嚟嘅。」

談到早前他表示與歐陽巧瑩「一條命」，他直言：「佢同佢媽咪一直有心結，我瞞住佢打電話畀伯母解釋佢嘅想法，兩母女依家算冰釋前嫌，如果當初佢知道，一定唔會畀我咁做（打電話）。」

另外，王馨平表示已有1年未有亮相《流》節目，近日她再考獲500小時瑜伽教師牌：「一直都有教學生嘅，有時上得多堂，返屋企後攰到唔想講嘢，但唔敢同老公呻，怕佢叫我辭職！」她又謂稍後會作錄音室，計劃推出廣東新歌：「有人話廣東歌走下坡，但我出道第一首歌叫《在你走的一天》，咪就係廣東歌囉！我對廣東歌有情意結㗎。」