Amanda S.性感晒線會老友中田英壽

名模Amanda S.與前日本球星中田英壽於紅磡出席慈善晚宴活動，穿着性感的Amanda表示可以同老友中田英壽相聚：「我哋識咗10幾年，一直都係好好嘅朋友，佢份人好好，我哋一直都有keep in touch。」

提到早前爸爸離世，佢指用咗四個月時間旅行散心療傷：「Daddy走嗰陣真係好難過，所以去咗個長旅行，亦抽多咗時間陪媽媽、姑姐，依家收拾好心情，ready好番嚟。（男朋友有冇陪你？）佢好忙，不過佢都好supportive，佢知我心情唔好都會即刻出嚟搵我。」

佢續指已投入工作，早前同鋒味合作拍攝廣告，佢又指生意唔易做，嚟緊唔會諗做生意嘅嘢，想主力做多啲烹飪節目。