岳華出殯　張之珏寫「藏頭詩」悼亡友

資深演員岳華日前於加拿大病逝，今日舉行出殯儀式，相識逾30年的好友張之珏飛往溫哥華出席喪禮，連日來他傷心悼念，並寫了一首「藏頭詩」送給亡友。日前張之珏指自己突然戴上由岳華贈送錶帶的手錶，已十多年來冇戴，似有一些玄機。今日他特別帶上岳華送給他的錶帶，送對方最後一程，並配帶新西蘭土著毛里人為紀念尊敬先人之吉祥物及玉石。

張之珏出席喪禮時受訪時，說道相處多年的難忘往事，他說：「80年代初我認識岳華大哥，因為我要搞舞台劇，馮寶寶、梁家輝之外有一個好重嘅角色，我就打畀岳華大哥問佢可唔可以演舞台劇，跟住就結緣，佢做咗我五個舞台劇，喺大專會堂、新光戲院、利舞台，唯一同岳華可以喺香港當年全部劇院演晒，記得佢話企喺利舞台演戲，已經係佢一生其中一樣願望，同我合作亦係榮幸，我話唔好咁講啦！我有好多嘢要跟佢學。岳華係一個完美嘅人，我喺娛樂圈咁多年，見盡好多人跟紅頂白，可能講一套做一套，但岳華大哥唔係，佢係娛樂圈嘅典範，佢人之好，我一時唔知點講。」

張之珏上台分享，表示為惠英紅及楊明帶來信息送上祝福，鍾景輝則表示因身體不好未能親自前來，他又表示封岳華做「怪人」，因為他「千奇百怪」，有戲找他拍都要恬妮答應因劇本都是恬妮看。