【同黃浩然拍劇】黃心穎扮四眼純情女

藝人黃心穎早前一家同埋男友馬國明到澳洲出席三家姐嘅婚禮，仲話個婚禮不知幾感動，不過話咁快心穎已回港開工喇！呢日，佢就喺社交網分享工作花絮照，見佢一身純情look，仲留言：「Day 1！今日要扮純情少女wor（喎）。我盡咗力㗎喇！同埋呢位拍檔。下次介唔介意個頭唔前過我都平排吖？」另一張相就見到戴上眼鏡嘅心穎同拍檔黃浩然齊齊舉起個「1」字，原來佢哋呢日為無綫新劇《法證先鋒4》開工，見佢哋都好享受，網民都為佢哋打氣呀！