陳凱琳用一個字粗口鬧鄧麗欣

藝人鄧麗欣（Stephy）、陳凱琳（Grace）、林耀聲、游學修、鄧月平等，出席《起底組》首映，講到二人於新戲中飾演兩姊妹，有不少鬧交場面，其中一幕Grace更用粗口大鬧Stephy，Grace聞言即澄清其實全套戲都只有一粒字是粗口，又大爆是導演臨時要求加演：「個發音應該OK，未拍之前係咁喺個腦度諗個Grammar點講先啱，驚講咗出嚟會畀人笑，到真係講出嚟身邊嘅人都嚇咗一跳，係一次突破演出。」就連Stephy都誤會Grace為人：「因為劇本係冇，導演想我有嚇一跳感覺，當吓我有諗過係咪佢自己爆咗肚講咗，原來Grace係咁㗎？後尾先知原來係夾咗嘅，佢都講得好地道。」

問到初嘗拍電影滋味的Grace可會習慣拍攝模式？她表示初頭都會不慣，還會緊張：「後尾拍得好緊密就慣，但始終平日開劇見嘅Crew、演員會平時喺TVB都成日見，好相熟，今次就係成班人重新認識，又驚自己表現得唔好。」可有請教「師姐」Stephy演戲技巧？Stephy即搶話唔需要，又大讚Grace唔似電影界新人：「唔覺得佢好緊張，可能佢掩飾得好好。」續指今次整個劇組都好青春，每日拍攝都好開心。

Grace笑話當初知情加戲份都不停對住自己鬧：「都驚好尷尬、講出嚟冇說服力。（有冇問老公鄭嘉穎點講？）唔敢講，拍完先話佢聽，佢讚我好叻女，講粗口好似大個咗咁。（老公會嚟捧場？）佢唔喺香港，但屋企人會嚟，諗吓唔佢同爸爸坐咁近，驚佢聽到我講粗口會睥我。」至於問到Stephy的男友邱勝翊（王子）可有到場，她甜絲絲話冇，因為驚搶鏡，等下次有機會先到。

----------------------------

東網巨星開咗ig喇，大家快啲follow啦！

https://bit.ly/2JjSVcr