卓韻芝棟篤笑爆粗狂鬧大媽跳廣場舞

藝人卓韻芝（阿芝）假旺角麥花臣場館舉行首場婚後首個棟篤笑，阿芝講到結婚當日為了氹婆婆開心，特意穿了裙褂進行斟茶儀式，但沒想到婆婆覺得打麻雀更重要，抵死笑話年老絕對有好大優勢：「如果佢唔係80歲，係18歲咁打橫行，跪喺度嗰個係佢！」不過阿芝都大讚婆婆是一個活在當下、自由意志又夠強大的人，間接用婆婆做例子帶出「不要恐懼將來，應熱切期待」訊息。

剛新婚的阿芝坦言有向已婚好友請教夫妻相處之道，例如郭偉亮（Eric Kwok）就話「見步行步」，她笑言各人意見不一。

之後阿芝又講到爸媽離婚時，媽媽一怒之下撕爛所有全家福，唯獨是有一張好鍾意就冇撕：「嗰張係爸爸企中間，媽咪就想我搵方法『執走』爸爸，但當時科技未做到，咁我就一直都唔得咗呢件事，直至最近搵嘢搵番張相出嚟，就覺得媽媽嘅遺憾變成我嘅遺憾。」

來到棟篤笑到尾聲時，阿芝準備了一段包含粗口的講辭，講述每朝被樓下公園跳廣場舞的一群大媽嘈醒心情：「佢哋真係好X核突，黐X線！除咗土生土長嘅香港人跳之餘，都會有埋大叔，同埋佢哋唔再跳快歌，會跳情歌！啲舞步仲要係唔會理歌詞嘅意思，真係你老X！跳咪跳囉，啲音樂唔好咁X大聲啦！朝X朝都係咁，我同老公被嘈醒都會望出窗，我會問老公點解佢哋嗰樣咁撩交打？有次聽到廣場播劉錫明首《是緣是債是場夢》，人哋嘅悲劇係咪跳得開心啲？」現場觀眾一聽到阿芝講粗口就好大反應，全場大笑之餘兼狂拍掌，此部分為整個棟篤笑掀起高潮！

阿芝曾於IG預告開騷期間會即場派發之前派剩的喜帖，於最後部分她遵守承諾，大合照完畢便呼籲想得到的觀眾來到台前，點知成群觀眾一擁而上，當堂嚇窒阿芝，故作鎮定的她更拋出甫開騷拎出場的花球，為今次首場棟篤笑畫上完美句號。