完騷度蜜月！卓韻芝被老公?住嗌緊張

藝人卓韻芝（阿芝）完成婚後首場棟篤笑後受訪，自爆今次是自開騷以來最緊張的一次，問是否因為老公梁子賢坐於台下？她甜絲絲話都有關，加上婚後象徵進入人生另一階段，然後自爆己改稿改到朝早7點幾。

享受二人世界

阿芝台上表示唔敢生B，問到是否早已同老公達成共識？她表示其實冇認真傾過：「如果因為生B而唔番工，做唔做到呢？生B呢件事有好多嘢要考慮，暫時都係想享受二人世界先。」又笑話對今次場騷又期待、又想快點完結：「我哋仲未去度蜜月！諗住完咗場騷，佢又做完手頭上嘅嘢就去，開完騷最重要係訂機票！（會去邊到？）會去阿根廷，都要搭兩次長途機，真係考驗我同佢。」

觀眾受落

講到以粗口大罵廣場大媽舞部分，觀眾反應好好，阿芝笑言都代表到時下香港人感受：「佢哋真係冇公得心，香港人夠晒嬲。（所以用粗口幫手發洩？）因為啲大媽都唔理歌詞亂跳，咁即係語言係冇意思，咁講粗口都一樣得，朝朝準時7點半就會被嘈醒，又投訴唔到，因為個公園係公眾地方。（觀眾對粗口呢Part咁受落，遲啲會唔會開場騷係全講粗口18禁？）其實今次都好小心咁諗究竟點樣表達，揀最尾嗰3分鐘先有粗口係因為覺得個情緒去到嗰個位，但如果你叫我全場都講粗口，就等同於喺街度聽到人哋講嘅一樣，咁就冇驚喜。」