甜蜜宣布婚訊!唐嫣羅晉晒領證相

20181028
東網電視
更多新聞短片
唐嫣同羅晉宣布婚訊!

内地藝人唐嫣同羅晉正式結為夫妻喇!呢對新人喺今日上晝9點09分通過微博同步晒出9張相,包括佢哋領取結婚證嘅合照及浪漫婚照,數字咁特別、係咪寓意長長久久呢?新郎及新娘分別寫上「新郎是我」、「新娘是我」,簡直Sweet到爆!兩位先後合拍過内地電視劇《亂世佳人》、《X女特工》、《克拉戀人》、《錦繡未央》及《歸去來》五部作品,而粉絲對呢對情侶檔都非常受落,依家作正式官宣,相信大家都為佢哋感到高興。婚宴於晚上舉行,唐嫣及羅晉分別換上西裝同晚裝裙,喺唯美嘅場景下翩翩起舞,幸福滿瀉!

早前傳同唐嫣不和嘅楊冪都有送上祝福,佢留言:「美糖,新婚快樂,永遠幸福!」而楊冪官方粉絲團就指「楊冪不出席唐嫣婚禮」,因為拍劇照,所以抽唔到時間飛過去。