又爆金句!黎明個唱豪派「明福囡」肖像毛巾

20181028
東網電視
更多新聞短片
黎明喺個唱上又爆金句。

榮升為爸爸級已有半年的天王黎明,繼早前在東莞個唱中以「I'm PAPA」(我是爸爸)首度談及女兒後,昨晚在澳門舉行演唱會,全場過萬座位爆滿。他身穿黑衫黑褲,配上紅色吊帶及領呔,由台中間步出,以一曲《一言為定》揭開演唱會序幕。十個月前,他才在這個場館開騷,今次重踏同一舞台,演唱會配上全新歌單,舞台效果都是全新編排,大舞台上的巨型LED大銀幕,令大家好有驚喜!

豪派「明福囡」毛巾

之後,他大派福利,有部分觀眾獲得黎明女兒化身為「明福囡」肖像的毛巾,他宣布送禮物時更發揮金句王本色說:「要送啲嘢畀大家,你估係咪每一個人都送晒?點會送晒?呢個世界每一個人,都要順序跟住個緣分,冇話係咪公平、係緣分,等於我都冇可能叫所有人唔憎我、唔鍾意我。」此時大銀幕出現「明福囡」的動畫肖像,他說這是畫「明福俠」的動畫師的作品:「佢畫咗我個女,但佢冇見過(個女),佢估㗎咋!幫佢(囡囡)笠吓面具,下面個公仔(BB公仔)係咩呢?我唔知,幫佢改咗個名,四條毛,叫『四髮』,四條頭髮,算數!」

員工爆料

另外,黎明在後台換衫時,大會播放有趣短片,有位雙眼被打上馬賽克的員工「阿強」出鏡,說要大爆「黎老闆」內幕,包括在男廁中「黎老闆」為他慶祝生日唱生日歌:「我就嚟畀老黎搞到黐線,我冒死接受呢個訪問!」他續說有天獲「黎老闆」送上午餐:「我話係Show me you love飯喎!」「黎老闆」見他把粟米肉粒飯說成「Show me your love飯」後即大讚有創意,並買足五日,搞到阿強食到怕晒!片末黎明出鏡並「黎老闆」上身質問拍攝者拍這段「攝時間換衫」的短片是否好笑,並說:「總之唔好笑,你就走出嚟、攞支Mic,九十度鞠躬同大家道歉話呢段片係你拍嘅!」引得現場觀眾大笑!

耳機故障勁淡定

今次演唱會曲目編排是新嘗試,不似慣常演唱會先以快歌炒熱氣氛,前半部反而以慢歌為主,樂迷聽得入神,場內一度變得寂靜,於是黎明唱罷昔日主演電影《半生緣》主題曲時,打趣向台下樂迷問道:「隻歌係咪令你哋好down(低落)?」然後又幽默一番,叫萬人齊聲回應他「是」,結果全場樂迷都很配合,現場氣氛再度急升,他隨即唱出金曲中的金曲《相逢在雨中》,還兩度落台與樂迷握手。另外,演唱會期間發生小插曲,他佩戴的耳機未知是否被汗水「入侵」致失靈,令他不斷聽到重疊聲響,一度追不上音樂,難得他 處變不驚,更換耳機後繼續演出,還輕鬆在台上飲自備的羅漢果水潤喉。