【唔敢太自由】張智霖爆袁詠儀係虎媽

藝人張智霖（Chilam）拍攝廣告，講到有指太太袁詠儀不准他揸跑車，他即表示：「冇咁嘅事，係冇車位嘅問題啫！我都鍾意換車，仲係年青人心態鍾意追求新科技。」不過，他又指自己喜歡新車，同時亦喜歡經典老爺車：「曾經有機會買一架老爺車，好後悔冇買到，因為之後升值好多倍，原來老爺車同藝術品嘅升值能力好高，反而樓嘅升值排行好低。」他坦言有買不少藝術品，以畫為多。講到太太的名牌包包，他謂：「只能係保值唔係升值。」提到方力申因父親開畫廊，所以收藏不少名畫，Chilam稱不時都有向對方請教。

另外，說到兒子跟隨學校到北京交流，要自己check-in上機，太太袁詠儀感觸說「終要放手」，似乎要給兒子自由，對此Chilam稱：「梗係要。（畀埋你自由？）咁又唔可以，會好危險。（信唔過自己？）唔係，關係唔同，夫妻要放喺身邊，係終身伴侶。」講到太太很掛住兒子，他謂：「我又冇，始終媽媽角色唔同，佢係Tiger Mama。（你係Sugar Daddy ？）咁佢（袁詠儀）係好strong嘅。」