沈震軒練泰拳唔敢出賽：怕打到塊面見骨
20181029
東網電視
更多新聞短片
已經練咗好一段時間泰拳嘅沈震軒坦言唔敢出賽，因為擔心畀人打傷塊面。
藝人沈震軒（Sammy）到九龍灣為泰拳比賽擔任頒獎嘉賓，他表示以往曾跟主辦的拳館學拳，要為師傅撐場：「依家我操少咗，之前有跟師傅去泰國操，睇過人哋出賽。我都諗過出賽，不過見到人哋打到塊面見骨，我話我都係拍戲好啲。」他指泰國拳手自小受訓，笑言自己可能連小朋友也打不贏，又認為拳賽雖然刺激，但最重要是安全。
提到之前到內地工作，他表示體能差了，因此最近不停操練體能，打算之後再找師傅操泰拳：「我好沉迷健身，自己偶像係The Rock，藝人嘅態度好重要，要自律。成日操，每次工作都會靚仔啲、狀態好啲，就算冇工作都唔會亂食嘢同hea。」談到學拳有女同學，Sammy笑說有靚女亦會望：「女仔識少少係好嘅，可以保護自己同當做運動，不過唔好太勁，女仔要有番啲溫柔。」
----------------------------
東網巨星開咗ig喇，大家快啲follow啦！