拍住演舞台劇　陳志雲提議胡琳做波多野結衣

歌手胡琳、陳志雲、倪秉郎、編劇張飛帆及監製余振球到電台宣傳舞台劇，他們表示因爲今年頭的舞台劇反應很好，故12月會重演，但今次劇本會改動很多，亦加入了胡琳的角色，陳志雲笑言：「今次會同胡琳唱歌，希望可以令我同叱咤頒獎禮擦身而過，攞最佳組合獎。」

陳志雲搞笑問胡琳知唔知自己有性感演出？胡琳即笑言：「公司唔畀架。（公司定老公唔畀呀？）公司唔畀呀。」陳志雲隨即笑言他是指要感性演出，胡琳表示：「我有睇到劇本，除咗荒誕位之外，都有真摰感情戲，睇到對演戲嘅熱愛。」其他人又笑言上次演出有「波多野結衣」的情節，陳志雲笑問胡琳知不知誰是波多野結衣？她笑言：「我知，AV嘛。」陳志雲提議她做「波多野結衣」？她笑言：「都好，可以令多啲人讚賞我。（咁老公晚晚都會嚟睇？）點都會嚟支持，但唔知會唔會晚晚都嚟。」陳志雲又讚胡琳講嘢好搞笑，是冷面笑匠。

胡琳即表示：「都戰戰兢兢架，呢個係千載難逢嘅機會，成個演員班底都係夢幻組合，覺得自己好幸運。」