【緊張爸爸】陳智燊湊仔搞到唔想返工

藝人陳智燊（Jason）到電台接受訪問，他笑言囝囝出世後頭兩、三個星期自己好唔想返工：「每朝起身就抱佢，抱到差唔多遲到先去返工，依家自己就聽話啲，寧願放工返嚟慢慢抱。」囝囝現時已經兩個月大，問可會搞百日宴？他表示：「想呀，但因為時間好緊，因為囝囝每日有幾個鐘玩，中間又要食嘢同瞓覺，所以帶佢出去食飯都驚好難兼顧，要就地方、人數、佢嘅狀態，但我哋都想同大家食餐飯。」

工作方面，他表示現正拍攝新加坡綜藝節目，主題是介紹香港，都有傾緊拍劇：「有啲網上，或者電視台，可以試下。」他亦不排除重返無綫拍劇：「離開咗唔係好長時間，但同佢哋嘅關係都好好，就算唔係同無綫有合約，都仲可以合作。」

由於他湊B已經好熟手，記者提議可以拍「BB來了」題材的電視劇，他說：「可以呀，都算熟手，換片、沖涼都得，瞓覺時都會睇住個mon睇佢瞓成點。」當被指是個緊張爸爸時，他尷尬回答：「都係。（你定老婆宋熙年緊張啲？）佢比較清楚啲，因為佢由佗BB到依家都不停上網睇資料，所以應該我緊張啲。」

----------------------------

東網巨星開咗ig喇，大家快啲follow啦！