岑寧兒開兩場演唱會　門票兩粒鐘內賣晒

最近簽新公司的歌手岑寧兒（Yoyo）到電台宣傳，11月尾在麥花臣場館舉行的兩場演唱會，講到門票在兩小時內秒殺，所以加開一場，加場門票亦在一日內售罄，她表示：「係呀，買飛啲人好犀利，咁快，真係有效率，好開心。」她表示鬆一口氣：「特別係加場賣晒，第一場賣晒時諗緊加唔加場，雖然好耐冇開騷，但唔知啲人會唔會買飛。」她笑言：「所以我同叫我加場嘅人講要認投番，恐嚇佢哋，佢哋係真係有買飛嘅。」

另外，問到屆時可會有一環節唱歌獻給已故好友盧凱彤？她坦言：「之前音樂節我都有唱過，但唔得，唱唔到落去，綵排時啲人以為係純音樂，但只係因為我唱唔到。（你個心係想做但做唔到？）係，唔知到時唱唔唱到，或者可能用其他方式，我都想有一part畀佢，但依家未有結論，冇林二汶咁勁。」