點杜絕觀眾演唱會拍片？張崇基張崇德有辦法

歌手張崇基和張崇德到電台宣傳11月尾在伊館舉行的演唱會，講到現時演唱會很多人拍片，崇基表示現時已管得較嚴，崇德就謂：「試過有次有人係咁影我哋，我哋就叫佢哋擺低電話，同埋一開騷就擺晒甫士畀佢哋影夠相先，之後就可以enjoy睇騷。」

兩人表示現時努力宣傳演唱會：「最難係宣傳，因為我哋曝光唔多，上一次演唱會係2015年，中間做咗個舞台劇，話畀人知我哋仲喺度。」他們亦謂今次比之前更早籌備，因為是25周年演唱會，今次連編曲都做埋。他們亦謂希望到時大家來睇騷：「我哋冇乜機會現場合作，近呢幾次都冇出DVD，要嚟睇先可以感受到現場震撼。」