何廣沛想點慶功？劉佩玥驚晒比堅尼
20181030
東網電視
更多新聞短片
劉佩玥話佢個人好傳統。
藝人何廣沛與劉佩玥（Moon）現身有份演出的劇集《跳躍生命線》的祝捷晚宴，由於收視有好成績，何廣沛被同劇的陳瀅爆到了沙灘找數，Moon笑言：「我以為你去沙灘畀人影到裸泳添！」何廣沛解釋說：「我、郭子豪、張彥博去咗沙灘淋水濕身拍片找數，郭子豪話要露三點，點知係欺騙觀眾，只係兩點加肚臍。」Moon聞言指對方賴皮。何廣沛誇下海口說：「我依家說服啲女演員，如果收視有35點要搞大啲，呢個交畀Moon去發辦。」Moon即時縮沙說：「我好驚唔敢講嘢，佢（何廣沛）可以露三點。（你着比堅尼？）我選完港姐到依家都冇着比堅尼，依家你哋畀群眾壓力我，我個人好傳統，着呢啲好怕尷尬。（緋聞男友周志文唔畀？）唔係，係媽咪唔畀。」何廣沛笑謂：「咁伯母好傳統喎！」
對於陳瀅提議捐血，Moon說：「呢個講咗好耐，演員聽日有行動，不過我食淋巴藥，唔可以捐血，都會過去為佢哋打氣。」而現場一班年輕演員做35次掌上壓，以寄望收視有35點。
----------------------------
東網巨星開咗ig喇，大家快啲follow啦！