六大打卡點！阮兒潮遊荷蘭玩到半天吊
20181031
東網電視
更多新聞短片
地膽帶路，學嘢啦喂！
有無綫「咪神」之稱的阮兒（Chloe），出生於有「花之國」美譽的荷蘭，身為地膽的她介紹當地吃喝玩樂最信得過，她極力推薦當中兩個大城市阿姆斯特丹（Amsterdam）和鹿特丹（Rotterdam）的六大「打卡點」，更帶大家玩「空中鞦韆」、參觀「骰仔屋」，再潮行市集，難怪她每年都會「思鄉病」發！
阮兒在荷蘭長大，家人都住在當地，這裏四季分明，夏令時間會日長夜短，故到當地旅遊最好揀夏天：「就算夜晚11點都未天黑，但冬天3、4點就開始收太陽啦！」荷蘭有花國之稱，不過，除去賞花，還有好多「打卡點」都值得一去。
回鄉減壓
她又指當地與香港最不同的地方，當然是生活節奏：「荷蘭人嘅工作時間唔會改變，商舖不論冬天、夏天都會準時閂舖，上班嘅人亦都準時收工，一定唔似香港，叫佢加班慘過做咕哩，因荷蘭人覺得生活質素好緊要，若果打擾咗佢哋生活時間，就會唔開心！」現在長駐在港工作的阮兒，坦言香港人壓力好大，相比荷蘭生活就比較輕鬆寫意：「所以每年至少要返家鄉一次，見吓屋企人，順便充電，呢個係需要嘅，香港人實在太勁，畀我感覺好似機械人咁。」
漫遊運河
首都阿姆斯特丹有北方威尼斯美譽，因市內有三條運河，阮兒說：「有皇帝河、王子河同紳士河，運河兩旁嘅運河屋，好多情侶都會沿住散步，當然都可以畀錢坐上玻璃船（Glass-top boat）浪漫遊，如果唔想行，又怕暈船浪，可考慮踩單車，都係唔錯選擇。」
市集覓食
鹿特丹的市集Markthal，單看拱門的時尚外形，相信難以聯想到是市集，阮兒說：「入面好多荷蘭嘅美食，林林總總，有煎餅Stroopwafel、鯡魚Haring都好多人鍾意食。」
望海賞橋
大家不能錯過到Erasmus Brug大橋看海兼吹吹風，她笑言：「我去嗰日啲海風好大，坐喺岸邊影相，有一刻真係好驚，好似吹到企唔穩，怕差錯腳跌落海。」
生擒巨字
阿姆斯特丹最大地標是「I amsterdam」，她說：「呢排巨型英文字，真係冇可能唔爬上去打卡影相，好彩嗰日冇着裙啫！」
骰仔屋
阮兒再帶大家遊另一大城市鹿特丹（Rotterdam），這兒以新穎獨特的建築設計聞名：「著名嘅有骰仔屋（Kijkkubus），係黃色菱形立方體建築物，一個連着一個『骰仔』，而骰仔屋旁就有『鉛筆』形大廈，相映成趣：「其實係民居嚟，但有啲屋主就會收入場費畀遊客參觀，屋入面都係歪歪斜斜，行番出屋嘅時候，我都覺得有啲浮同暈，如果住就唔係咁好，三尖八角，風水唔知好唔好喎！同埋傢俬一定要訂造，但嚟參觀影相就相當唔錯。」
高空鞦韆
阮兒話大家要挑戰膽量，一定要去玩非一般的鞦韆：「係喺高樓大廈天台上面盪鞦韆，呢棟叫『A'dam Lookout』，係一楝荒廢咗、有三十多層高嘅大廈，經過一班荷蘭潮人將佢大變身，廢墟變潮地，吸引好多遊客嚟朝聖。」因為阿姆斯特丹高樓大廈不多，當坐上A'dam Lookout的鞦韆上面，可以360度鳥瞰市內全景，見盡大小船隻在河道穿梭。阮兒玩完「高空打鞦韆」後說：「呢個鞦韆，係歐洲最高嘅鞦韆，其實冇乜離心力，當佢升到最高，係有一種衝出去嘅感覺，有安全帶嘅，都好穩陣。」
----------------------------
東網巨星開咗ig喇，大家快啲follow啦！