半夜Call苗僑偉　黃宗澤拍《飛虎2》瞓唔着

藝人苗僑偉、黃宗澤（Bosco）出席《飛虎之雷霆極戰》記者會，問到飾演秘密行動組總指揮的苗僑偉在劇中會否騷肌？他笑言：「夏天我唔介意騷吓，但冬天會起雞皮，點除呀咁凍？」Ron即建議對方可着冷底褲保暖。苗僑偉透露經常都有做運動操弗身形，但認為騷肌欠缺新鮮感：「冇乜好睇，應該睇劇情、大場面同Lee Pace。」

身高距離太大

劇中，Bosco跟Lee Pace飾演好朋友，有最多對手戲，由於對方有逾六呎高，Bosco不諱言今日着增高鞋上陣，增高三寸以免身高距離太大：「我搵咗好耐先搵到呢對增高鞋頂一頂，不過外國人身材係高大啲。（Gel高個髮型？）再高就變成punk頭。或者叫導演安排啲佢坐低嘅戲，哈哈！」Ron笑言必要時Bosco可企木箱。除了身高問題，Bosco在劇中亦有不少英語對白，要努力練英文：「我搵咗老師練英文，攞住劇本練，我頭先都同Lee Pace傾咗幾句，閒話家常溝通到。我幾個月瞓唔着。」苗僑偉聞言即爆Bosco半夜三更打給他傾心事。