蒙嘉慧為拍劇減磅 馬國明蝦碌被迫跳車
20181031
東網電視
更多新聞短片
馬國明同蒙嘉慧都有份拍《飛虎之雷霆極戰》。
藝人馬國明與蒙嘉慧（Yoyo）出席網劇《飛虎之雷霆極戰》記者會，馬國明乘開篷跑車出場，但卻開不到車門，最後被迫跳出來，頗為蝦碌，Yoyo搞笑指對方好身手。馬國明透露之前為該劇而努力操肌，但收到劇本才發現自己角色是體能較差及有大肚腩：「我練錯咗方向，睇吓可以點補求番。」至於Yoyo自言她的角色主要是靚靚，所以也有為角色而減肥：「我已經瘦咗，但未達標，屋企嗰個（老公鄭伊健）擰晒頭，話仲可以弗啲。我要跟馬國明一齊踢波。（有冇同老公一齊節食？）冇特別，消夜我哋對住個杯麵，但最後忍住冇食，不過尋晚開工我已經破咗戒，食咗個快餐。其實我都好耐冇拍劇，期間因為打波同滑雪受傷，依家終於搞好個身體。」
馬國明今次會跟好兄弟吳卓羲及黃宗澤相隔十幾年再度合作：「我發現大家都冇變，冇長大過，一見面都係互相整蠱，以前拍劇嘅感覺返晒嚟。」而最近馬國明開了微博，他坦言是經理人為他開，主要是為內地工作作宣傳。
----------------------------
東網巨星開咗ig喇，大家快啲follow啦！