開騷請密友做嘉賓 胡鴻鈞拒騷肌:唔好獻醜

20181101
東網電視
更多新聞短片
胡鴻鈞話開騷會請個同佢有密切關係嘅人做嘉賓,係咪即係許廷鏗(圓圖)呢?

歌手胡鴻鈞(Hubert)出席討論區頒獎活動,提起12月頭的處男騷,Hubert指每次講起都好期待:「之前因為拍戲的確係冇咩時間準備,距離開騷都仲有一個月,都如火如荼準備緊!」屆時會否騷肌?他抵死笑話:「唔好獻醜啦!唱好歌先,到時都會有嘉賓,係同我有密切嘅關係。(許廷鏗?)唔講!我唔會透露嘅,但一定係好Friend。(有咩驚喜?)我會揀人哋嘅歌唱,每首歌都會有意思,今次開騷係音樂性重啲,可能視覺上冇咩特別,唔會跳舞,希望以歌會友。」

對跳舞信心爆棚

問到以後可會騷舞技?Hubert怕醜話從來不知自己有否跳舞細胞,都想作出新嘗試,但時間太趕急,今次做唔到都好可惜。他又許下承諾指世人會有機會睇到自己跳舞,其後記者笑言連許廷鏗同吳業坤都跳舞時,Hubert突然充滿自信,信心爆棚話:「當連吳業坤都跳得嘅時候!好!我會努力㗎啦!」

拍劇獻多個「第一次」

而剛拍畢《救妻同學會》的他講到劇中獻出多個「第一次」,他表示有好多動作場面,又挑戰同一個角色演繹兩個唔同階段:「由一開始好軟弱、宅男啲,最後變好Tough(剛強)、好Man嘅男人,你知我不嬲都Tough開,叫我演溫柔啲係有難度嘅!」

----------------------------
東網巨星開咗ig喇,大家快啲follow啦!
https://bit.ly/2JjSVcr