討論區睇評語　傅珮嘉用真名覆網友

歌手傅珮嘉（Maggie）今日出席討論區頒獎活動，坦言心情好緊張，她覺得網上留言是最真實，有時更可能會被批評到體無完膚，加上自己又開餐廳，所有評論都直接令EQ提升：「佢哋會話好食唔好食，所以當我今年出番廣東歌《絕望元年》，個心都有打咗底，覺得網上評價對我好仁慈，都消化到，始於隔咗咁耐先出歌。」續言每次出新歌都會上討論區睇留言，自爆會用真名帳戶回覆：「喺YouTube上每一條讚我、鬧我嘅留言都會覆，甚至九唔搭八都會覆『多謝你』。（走毒舌路線？）唔會。」

Maggie又講到香港人講說話好直接，以前可能會話婚後就唔好唱歌，但現時相反，好多女藝人婚後、生小朋友後都會「復工」：「覺得結婚好呀！婚後嘅女藝人同女藝人之間冇咁有敵意、平和啲。」她再為結婚的好處舉例子，Maggie冧爆話老公影響自己不少：「例如如果有人話餐廳啲嘢唔好食，會叫佢去另一間分店試，呢樣嘢係老公教，佢係一個好高EQ嘅人，所以話結婚係好嘅！由另一半影響思維、觀念係好緊要，會正面咗，佢成日都話如果我唔係遇着佢，我會抑鬱死咗，佢真係同人咁講，話自己係我最好嘅相士。」