又剝！王君馨性感睡衣着畀特別觀眾睇

人妻王君馨（Grace）出席內衣品牌活動，穿上內衣大騷火辣Body，同場另一位人妻單文柔亦充當模特兒，大晒身材。但比起對上一次出活動的中門透視裝，Grace戰鬥力大減，問她是否被老公落令禁止性感？她笑話上次的中門透視裝老公大讚幾好，仲唔准我換衫要睇多陣，又解釋今次造型要行高貴路線：「咁保守係想做到配搭睡衣打扮，都可以出街食飯，又高貴又有型咁！」她又說：「唔係太性感嘅，係啲絲質款嘅睡衣。（老公有買性感睡衣畀你？）冇喎，我諗佢行入呢啲舖頭都會怕醜，但性感睡衣的確喺婚後着多咗啲，以前係着畀自己睇，依家係有特別觀眾睇。」

講到主演新劇《是咁的，法官閣下》剛播出，Grace以兩件頭泳衣出場大曬腹肌，她大爆拍攝時期剛發出「限奶令」，勒令女藝人於鏡前收起性感：「監製本身話着件T-shirt，但又好似好怪，所以即刻買十件泳衣速遞嚟，最後揀咗呢件黑色。（本身嗰件係點？）係紅色三點式，但黑色呢套就啱角色嘅女強人性格多啲，如果着紅色咁火辣，啲觀眾可能會誤會咗，依家係保守得嚟又健康、有型。」續笑話睇見自己一年前苦練而成的腹肌好羨慕：「連媽媽都讚好睇！但近排忙少少就冇咁勤力，趁臨瞓前做掌上壓嗰啲。」