一招鎖住男人心　綾野剛同佐久間由衣半同居

曾與戶田惠梨香、橋本愛傳過戀情的36歲日本男星綾野剛，被雜誌《Friday》發現真命天子另有其人，就是23歲曾演出NHK日劇《雛鳥》的日本女星佐久間由衣。

《雛鳥》的劇組最近在涉谷一間燒雞店搞同窗會聚舊飯局，佐久間和女主角有村架純亦有出席。飯聚後，佐久間便乘的士到綾野剛的寓所過夜。雜誌亦拍到佐久間多次到超巿買餸後，然後返男方寓所同對方撐枱腳。一位造型師爆料，因為佐久間煮得一手好菜，令綾野剛修心養，現在很少晚上外出，飲酒也減少。

綾野剛同佐久間是由朋友介紹而認識，2015年開始拍拖，2016年曾被雜誌踢爆熱戀，但雙方事務所否認。最近《Friday》再次追蹤二人戀情，發現兩人拍拖三年戀情穩定，並過半同居生活。不過雙方事務所繼續否認，指兩人純粹是前後輩關係。