似親生婆婆　駱振偉錫住陳麗雲

ViuTV劇集《迷失假期》故事雖然圍繞着三個不同文化背景的年輕人，但劇中亦出現不少為人熟悉的演員，其中就有陳麗雲飾演駱振偉的婆婆和劉錫賢飾演英菲混血兒徐㴓喬（Asha）失散多年的「疑似老竇」。

陳麗雲首次接拍ViuTV劇集，表示自己年紀雖大但仍很有活力：「唔好睇我依家滿頭白髮，我都仲好fit、好捱得，一日拍十幾個鐘都完全冇問題！」又大讚「乖孫」駱振偉靚仔兼有禮貌，而駱振偉就被Asha大爆對陳麗雲的說話聲線比平時溫柔許多，他聞言後回應：「麗雲姐真係好錫我哋，感覺好似親生婆婆咁。」

至於劉錫賢在劇中被Asha誤會是她失散多年的爸爸，由於他職業是一名廟街大牌檔廚師，所以多在廚房裏拍攝，不過他指今次拍攝尚算輕鬆，不太辛苦。