蘇麗珊收兵有法 吳肇軒施佛系溝女
20181102
東網電視
更多新聞短片
吳肇軒、蘇麗珊講2018男女關係。
藝人蘇麗珊（Cecilia）及吳肇軒到電台宣傳電影《逆向誘拐》，吳肇軒在片中飾演蘇麗珊的「兵」，與上一部二人合作的電影有點似，Cecilia笑言男方有性感戲要露點，吳肇軒說：「唔知點解導演無端端要人剝！我哋有少少感情線同互相flirt（調情），但都係溝唔到佢。（好可惜？）係啦，可唔可以遲啲開到溝到㗎？（Cecilia溝你好啲？）好喎！不過都係溝唔到嘅。」
心甘命抵被利用
談到拍攝難度，Cecilia解釋飾演的角色是個聰明女：「佢好知道自己想要乜嘢，好識得利用身邊嘅人，但我自己好簡單直接，成日問導演點樣令人信服。」至於現實的她可有收兵？她表示沒有，覺得很浪費時間，又會傷害人：「（組合）農夫首歌有句歌詞『愛情係好玩，但係唔好玩愛情』，好記得呢句。」吳肇軒坦言可以證明她沒有收兵，而自己現實就曾經做過兵：「鍾意就仆個頭埋去，人哋唔鍾意我，又唔拒絕我住。好唔開心，成日都覺得有希望，啲兵好蠢。」
問是否有希望才追女仔？吳肇軒認為要看緣分：「大咗覺得啱嘅就自然會一齊，佛系溝女。（溝到？）應該得啩。」至於可有對象，他表示怕醜稱不懂得說，轉為投訴Cecilia在戲中欺騙自己：「其實係享受嘅，呢樣係兵仔其中一樣衰格嘅嘢，覺得自己同佢近咗，就心甘命抵畀佢利用。」
----------------------------
東網巨星開咗ig喇，大家快啲follow啦！