新劇做男版美人魚　王冠逸公開多謝秦嵐

憑《延禧攻略》爆紅嘅新加坡男星王冠逸（Lawrence）來港出席品牌Salvatore Ferragamo期間限定店揭幕活動，講到日前喺第14屆《中美電視節》奪得最佳男配角，佢笑言因為生病而當下未有反應過來：「當時我在生病，上台前還上吐下瀉、發着高燒，所以不太感受到很大的喜悅，反而現在才開心。」講到緋聞女友秦嵐同樣得獎，佢為對方高興之餘亦不忘致謝：「我特別感謝她，是她把我從新加坡帶到中國，這部劇也是她給我機會，很幸運一路以來都有她盡心盡力的幫我。」

講到近期嘅工作，佢表示啱啱拍完劇集《平妖傳》，並會喺戲中飾演男版美人魚，係一個新嘗試。佢又指最近有好多新戲嘅邀約，自己想試多啲唔同類型嘅戲：「新加坡的戲比較單一，大多是家庭劇，現在我自已想挑戰一下科幻、警匪片，尤其是香港的動作電影，很有味道。（想同香港咩藝人合作？）周潤發、梁朝偉、郭富城等，主要想跟前輩合作。」