藍潔瑛離世 林建明:任務已完成咗就要走

20181103
東網電視
更多新聞短片
林建明(左)得悉好友藍潔瑛離世後難掩傷心之情。

曾向藝人藍潔瑛伸出援手的藝人兼「心晴行動」創辦人林建明,得悉好友離世後難掩傷心之情,她接受東網訪問時表示已很多年沒有見過對方,傷感地說:「呢幾日實在太多人走,我都反應唔切,生老病死係人生必經,每個人總會有任務,當佢任務已完成咗就要走,我仲有兩個任務未做,做完都走啦。呢種精神狀態對佢嚟講好辛苦,今次走未必唔係好事,呢度任務完成咗,當佢去第二度做第二啲任務。」

問到藍潔瑛身邊是否只有一個家姐照顧?林建明說:「其實佢唔係大家想象中咁差,佢有屋企人,有好多兄弟姐妹照顧佢,經濟亦唔係咁差,只係佢有病,成日會以一種敵對嘅心態面對家人,只有一個家姐比較能埋到身。」而藍潔瑛早前發病入院時,林建明亦有到醫院探望。問到當時藍潔瑛有冇自殘?林建明説:「冇自殘,只係入院治療,如果佢乖乖食藥就冇嘢,當時見到佢被個病控制咗,冇咗自己,旁人見到覺得好陰功,可能佢自己都唔知,呢啲病家人、朋友只可以喺旁邊扶佢一把,真正幫到佢嘅只有自己,我哋朋友之間要做嘅嘢已經盡晒力。」