藝訓班同期　吳啟華爆藍潔瑛執着偏激

藝人藍潔瑛今晨倒斃猝死，與她同是第12期藝員訓練班出身的吳啟華得知藍潔瑛的死訊後大感可惜，並透露二人已多年沒見：「好多年前，當時聽講佢情緒有啲問題，去佢屋企探過佢、同佢傾吓偈，當時佢幾令我擔心，佢話見到污糟邋遢嘢，仲話當時喺我後面都有一個喺度，我都畀佢嚇到有啲驚。」

吳啟華憶述當年訓練班的情況，表示大家經常圍埋一齊，感情深厚：「有段時間走得幾埋，成日一齊玩、一齊拍戲，最多戲係賀歲劇《愛情全盒》。（藍潔瑛個性格係點？）佢喺訓練班、後生時喺班度性格比較執着、偏激，係麻煩啲嘅人，相處耐咗唔係咁舒服，因為佢乜嘢都要彈，所以慢慢少朋友！依家人都走咗，只能夠祝佢一路走好！可能去第二個世界更加適合多啲！」

吳啟華又在微博悼念藍潔瑛，他說：「記得當年大家都是二十出頭，一起上學，然後一起畢業，再一起工作....轉眼就幾十年...沒想到你會走的這麼早......但願你一路走好」