演奸角食死貓 羅蘭遺憾未能與媽媽分享榮譽

20181103
東網電視
更多新聞短片
羅蘭接受車淑梅訪問,暢談人生。
資深藝人羅蘭接受電台節目訪問,上月她以83歲高齡獲嶺南大學頒授榮譽院士,笑言從未想過會有機會穿上院士袍,並感觸地說:「我入行60幾年,無論喺電影、電視都冇試過着,最勁只着過法官袍。但我感到遺憾嘅係,當阿媽在世時,我一個獎都攞唔到,阿媽走咗之後,獎項就陸續而來,我幾想阿媽可以同我分享呢個榮譽……」說時不禁雙眼通紅。
談及超過半個世紀的演藝生涯中,感慨大多都是做惡人、奸人,食咗好多年死貓,其實自己只是想演戲,為人不是這樣,直至加入《歡樂今宵》主演短劇《701服務公司》之後,羅蘭開始「轉營」,演活可愛的接線生,搞笑形象大受歡迎,成功「洗底」。
談及感情生活,羅蘭坦言交白卷:「因為我醋味大、疑心重。可能我從事電影,些少痕迹都走唔出我嘅法眼,無論對方樣解釋,我都唔會聽。我試過唔肯入場睇電影,要男朋友當面撕爛戲票。」羅蘭從未被圈中人追求,也未談婚論嫁過,有些男朋友更過不到羅媽媽這一關。
----------------------------
東網巨星開咗ig喇,大家快啲follow啦!