合作《大時代》　唐寧靠藍潔瑛帶拍喊戲

藝人唐寧到主題樂園出席慈善跑，問到不帶埋仔女來？她笑言：「佢哋喺入面玩到唔願走。（平時會唔會同佢哋一齊跑步？）都會一齊做運動，妹妹好動啲，反而哥哥靜態啲，不過妹妹出現咗之後哥哥都動態咗。（個女會唔會曳啲？）ok啦，小朋友一定曳，但一凹一凸磨合得好好，依家已經去到一個階段係唔使同佢哋玩，佢哋會自己搵嘢玩，個仔7歲，個女3歲，一個遲熟啲，一個早熟啲，所以啱啱好，我係入唔到佢哋圈子。」講到工作，她透露之前剛去完內地拍戲，現時做緊後期。

另外，提到藍潔瑛逝世，唐寧表示做童星時曾與對方合作過《大時代》，她表示：「我都係今朝見到呢單新聞。（對佢有咩印象？）佢好靚，係女仔都會覺得佢好靚，佢係好有心嘅演員，好投入，佢會帶動到我哋啲小朋友喊。（有冇同佢傾偈？）始終太細個，但拍劇氣氛融洽。（之後冇再見過佢？）印象中冇。」

----------------------------

東網巨星開咗ig喇，大家快啲follow啦！

https://bit.ly/2JjSVcr