湊成「好」字!李泳漢喜獲千金為媽咪圓夢

20181105
東網電視
更多新聞短片
恭喜李泳漢喜獲千金!

藝人李家鼎個仔李泳漢又再做爸爸喇!囡囡Charlotte剛在上星期出世,重6.2磅,樣子似足哥哥Alfie咁精靈可愛,全家都非常興奮,特別是泳漢的母親施明。泳漢表示:「佢一直好想生女,點知一生就孖仔,之後都想繼續追…所以我今次係幫媽咪圓咗個夢想,佢抱住孫女簡直笑到見唔到對眼,睇得出真係超開心。」

泳漢指終於感受到前世情人的威力,每次抱起Charlotte時,她都「口擘擘」嘗試和爸爸說話,整個心完全被她溶化,並感激太太Conny送給自己一個小公主。他笑說:「我依家湊成個『好』字,最好不停『好』落力去,但知道太太辛苦,一定要錫晒佢。」至於再做叔叔的泳豪心情一樣激動,每日都搶住抱B,場面有趣又溫馨。